Имплантация жоғалған тістерді қалпына келтірудің ең сенімді тәсілдерінің бірі болып саналады. Имплантацияны жоспарлау кезінде пациенттер импланттардың қанша уақыт қызмет ететінін және болашақта оларды ауыстыру қажет болатынын алдын ала білгісі келеді.
Қазіргі заманғы имплантациялық жүйелер ұзақ мерзімді пайдалануға арналған. Сапалы жүргізілген имплантация және күтім жасау ережелерін сақтаған кезде импланттардың қызмет ету мерзімі ондаған жылдар бойы тұрақтылығын сақтай алады. Ауыз қуысының денсаулығына дұрыс көзқарастың арқасында оны пайдалану уақыты пациенттің өмір сүру ұзақтығымен салыстыруға болады.
Импланттың қызмет ету мерзіміне қандай факторлар әсер етеді?
Имплантацияның сәттілігі диагностика және емдеуді жоспарлау кезеңінен басталады. Имплантты орнату алдында дәрігер ауыз қуысының жағдайын, сүйек тінінің көлемін, тістеу (прикус) ерекшеліктерін және ұзақ мерзімді нәтижеге әсер етуі мүмкін басқа да факторларды бағалайды.
Импланттардың неше жылға қойылатыны бірқатар факторларға байланысты:
- имплантациялық жүйенің сапасы;
- дәрігердің кәсібилігі;
- сүйек тінінің жағдайы;
- қызылиек денсаулығы;
- емдеуден кейінгі ұсыныстарды сақтау;
- күнделікті гигиена деңгейі;
- зиянды әдеттердің болуы;
- профилактикалық тексерулердің жүйелілігі.
Имплантацияның ұзақ мерзімді сәттілігінің негізгі факторларының бірі қызылиек пен сүйек тінінің денсаулығы болып қала береді. Гигиена жеткіліксіз болған жағдайда маңайындағы тіндерде мамандардың қосымша араласуын қажет етуі мүмкін өзгерістер қаупі артады.
Сондай-ақ, түбірге еліктейтін құрылым мен оған орнатылған коронканың (қаптаманың) қызмет ету мерзімі әртүрлі болатынын түсіну маңызды. Импланттың өзі жақ сүйегіне кірігіп, ондаған жылдар бойы қызмет ете алады. Ал коронка күнделікті функционалдық жүктемелерге ұшырайды, бұл уақыт өте келе оны ауыстыру қажеттілігіне әкелуі мүмкін.
Нәтиженің ұзақ сақталуына зат алмасу ерекшеліктері, созылмалы аурулар және пациенттің өмір салты қосымша әсер етеді. Сондықтан имплантация маманның тұрақты бақылауын қажет ететін ұзақ мерзімді қалпына келтіру ретінде қарастырылады.
Импланттың қызмет ету мерзімин қалай ұзартуға болады?
Емдеу аяқталғаннан кейін ауыз қуысына дұрыс күтім жасау үлкен маңызға ие. Ұсыныстарды сақтау қызылиек денсаулығын қолдауға және импланттың тұрақтылығын көптеген жылдар бойы сақтауға көмектеседі.
Көптеген пациенттер имплант орнатқаннан кейін стоматологқа жүйелі түрде бару қажеттілігі жойылады деп қате ойлайды, алайда нәтижені сақтау үшін құрылымның өзіне ғана емес, оның айналасындағы тіндердің жағдайына да назар аудару маңызды. Ол үшін мамандар мыналарды ұсынады:
- күнделікті гигиенаның жоғары деңгейін ұстап тұру;
- қол жеткізу қиын аймақтардағы қақтарды жүйелі түрде кетіру;
- қызылиек денсаулығын бақылау;
- стоматологқа жоспарлы түрде баруды жіберіп алмау.
Бұл тәсіл асқыну қаупін азайтуға және тіс импланттарының ұзақ қызмет етуін қамтамасыз етуге көмектеседі.
Doctor Dent клиникасында имплантацияға ғана емес, сонымен қатар пациенттерді одан әрі бақылауға да үлкен көңіл бөлінеді. Кешенді диагностика, кәсіби гигиена және тұрақты бақылау ауыз қуысының денсаулығын сақтауға және емдеу нәтижесін барынша ұзақ уақыт сақтауға мүмкіндік береді.
