Тістің компьютерлік томографиясы (КЛКТ) — бұл заманауи стоматологиялық диагностиканың «алтын стандарты». Астанадағы Doctor Dent клиникасында біз диагнозды дәл қою және емдеуді сауатты жоспарлау үшін тіс пен жақтың 3D-диагностикасын жүргіземіз. Конусты-сәулелі компьютерлік томография тістердің, түбірлердің, сүйек тінінің және жақтың анатомиялық құрылымдарының көлемді бейнесін алуға мүмкіндік береді. 3D-суреттің арқасында стоматолог мәселені тез анықтап, оңтайлы шешім ұсынады.

• хирургиялық араласулар;
• кариес пен түбір өзектерін емдеу;
• сауыттарды (коронка), винирлер мен салмаларды орнату;
• тіс имплантациясы;
• ортодонтиялық емдеу.

Doctor Dent-те компьютерлік томограммаларды талдау үшін 3d dental жасанды интеллекті қолданылады, бұл диагностика дәлдігі мен стоматологиялық қызметтердің сапасын арттырады.

Көп жағдайда біздің клиникадағы алғашқы қабылдау дәл осы КЛКТ-дан басталады. Компьютерлік томография дәрігерге ауыз қуысының жағдайы туралы 99%-ға дейін ақпарат береді. Қарап-тексеру + 3D-диагностика = дәл диагноз және жеке емдеу жоспары. Біз сәулелік жүктемесі минималды заманауи цифрлық жабдықтарды пайдаланамыз. Бұл рентген-диагностиканы ересектер мен балалар үшін қауіпсіз етеді. Қосымша артықшылық — 3d dental жасанды интеллектін қолдану. Пациент тек дәрігердің пікірін ғана емес, сонымен қатар тіс пен сүйек тінінің жағдайы туралы тәуелсіз цифрлық талдау алады.

Астанадағы Doctor Dent клиникасында компьютерлік томография жаңа буынның жоғары дәлдіктегі конусты-сәулелі 3D-томографтарында жүргізіледі. Аппараттар мыналарды қамтамасыз етеді:

• кескіннің жоғары детальдануы;
• тіс-жақ жүйесінің анық 3D-көрінісі;
• процедура кезіндегі жайлылық;
• аса төмен рентген сәулесінің мөлшері.

Заманауи технологиялар диагностиканы жылдам әрі барынша қауіпсіз жүргізуге мүмкіндік береді.

Біздің клиникада 3D-суреттерді талдау үшін 3d dental жасанды интеллекті қолданылады. Бағдарлама:

• кариесті, қабынуларды, кисталарды таниды;
• түбірлер мен өзектердің жағдайын бағалайды;
• бұрын жүргізілген емнің сапасын талдайды;
• әрбір тіс бойынша егжей-тегжейлі есеп береді.

ЖИ томограмманы санаулы минуттарда өңдейді. Осыдан кейін дәрігер цифрлық есепті клиникалық көрініспен салыстырып, түпкілікті диагноз қояды. Мұндай тәсіл диагностиканы барынша объективті етеді және қателіктер қаупін азайтады.

Заманауи конусты-сәулелі КТ пациенттер үшін қауіпсіз.
Бұрын стоматологияда сәулелену мөлшері жоғары (400 мкЗв дейін) спиральді томографтар қолданылатын. Қазіргі КЛКТ бұл көрсеткішті минималды мәндерге — 30 мкЗв-дан аз мөлшерге дейін төмендетеді. Мұндай доза табиғи фондық сәулеленумен тең және ағзаға кері әсерін тигізбейді. Сондықтан тістің 3D-диагностикасы тіпті балаларға да жүргізіледі. Жүктілік жағдайында зерттеу жүргізу туралы шешімді дәрігер жеке қабылдайды.

КЛКТ стоматологтарға мыналарға көмектеседі:

• тіс түбірлері мен өзектерінің анатомиясын анықтауға;
• бұрын жүргізілген емнің сапасын тексеруге;
• имплантация алдында сүйек тінінің жағдайын бағалауға;
• қабыну процестері мен кисталарды анықтауға;
• пародонт ауруларын диагностикалауға;
• шықпаған ақыл тістердің орналасуын анықтауға;
• күрделі хирургиялық операцияларды жоспарлауға;
• тістем (прикус) аномалияларын анықтауға;
• жақ-бет аймағындағы ісіктерді анықтауға.

Компьютерлік томография патологиялық процестерді ерте кезеңдерінде көруге мүмкіндік береді.

Компьютерлік томография жүргізуге қарсы көрсетілімдер аз.
Негізгі шектеу — пациенттің сканерлеу кезінде қозғалмай тұра алмауы (мысалы, айқын тремор кезінде). Жүкті әйелдерге КТ дәрігердің көрсетілімі бойынша минималды сәулелік жүктемені ескере отырып жүргізіледі. Заманауи жабдықтар қауіп-қатерді барынша азайтуға мүмкіндік береді.

• Жылдам сканерлеу (небәрі бірнеше секунд).
• Минималды сәулелік жүктеме.
• Бұрмаланусыз үш өлшемді бейне.
• Кез келген жазықтықта және кез келген бұрышта талдау жасау мүмкіндігі.
• Кәдімгі рентгенмен салыстырғанда жоғары ақпараттылығы.
• Мамандармен кеңесу үшін деректерді сақтау және жіберу мүмкіндігі.

3D-диагностика дәрігерлік қателіктердің ықтималдығын айтарлықтай төмендетеді және емдеудің тиімділігін арттырады.

Doctor Dent клиникасында сіз заманауи 3D-томографта тіс пен жақтың компьютерлік томографиясынан өте аласыз. Біз КЛКТ-ны өз пациенттерімізге де, басқа клиникалардың пациенттеріне де жүргіземіз.

Сіз мыналарды аласыз:

• цифрлық суреттер;
• егжей-тегжейлі сипаттама;
• нәтижелерді электронды тасымалдағышта немесе электрондық пошта арқылы.

Компьютерлік томография — имплантацияға дайындықтың міндетті кезеңі. КЛКТ көмегімен дәрігер мыналар туралы нақты ақпарат алады:

• сүйек тінінің саны мен сапасы;
• гаймор қойнауларының (пазуха) орналасуы;
• жүйке ұштары мен қан тамырларының орналасуы.

Бұл сүйек пластикасының қажеттілігін дәл анықтауға және оңтайлы имплантты таңдауға мүмкіндік береді. КТ-сыз имплантация жасау асқыну қаупін айтарлықтай арттырады, сондықтан Doctor Dent-те біз хирургиялық емдеу алдында міндетті түрде 3D-диагностика жүргіземіз.

Тіс КТ-сының бағасы зерттеу көлеміне (бір жақ немесе екі жақ) байланысты. Біз ашық баға саясатын ұстанамыз: пациент диагностикалық қызметтің құнын алдын ала біледі.

Компьютерлік томография небәрі бірнеше минут алады және мүлдем ауырсынусыз өтеді. Пациентке қозғалмай тұру және рентген-лаборанттың нұсқауларын орындау қажет. Сканерлеу жылдам әрі жайлы.

КТ нәтижелері зерттеуден кейін бірнеше минуттан соң дайын болады. 3d dental жасанды интеллекті томограмманы талдап, егжей-тегжейлі есеп береді. 3D-суреттер мен цифрлық талдау негізінде Doctor Dent дәрігері жеке емдеу жоспарын құрады және қажет болған жағдайда тар бейінді мамандарға бағыттайды.

Doctor Dent (Астана) клиникасындағы тіс пен жақтың компьютерлік томографиясы — бұл:

• заманауи 3D-диагностика;
• минималды сәулелік жүктеме;
• жасанды интеллектті қолдану;
• дәл диагноз қою;
• қауіпсіз және тиімді стоматологиялық қызметтер.

Дәл диагностика — тісті сәтті емдеудің негізі. Біздің клиникада денсаулығыңыздың жағдайы туралы барынша шынайы ақпарат пен сапалы емдеу нәтижесін алуыңыз үшін барлық жағдай жасалған.