Тіс имплантациясын сәтті жүргізу үшін сүйек тінінің жеткілікті мөлшері қажет. Егер ол жеткіліксіз болса, дайындық кезеңі — сүйек пластикасы жасалады. Doctor Dent клиникасында (Астана) біз КТ-суреттерді талдау және процедураны жоспарлау үшін 3D Dental жасанды интеллектін қолданамыз. Бағдарлама сүйек тінінің жағдайын бағалайды және дәрігерге оңтайлы тәсілді таңдауға көмектеседі. Процедура ауырсынусыз өтеді: жергілікті анестезиямен, жеңіл седациямен немесе ұйқы кезінде — сіз имплантацияның қалай өткенін байқамай да қаласыз.

Егер сүйек тіні жеткіліксіз болса, имплантат орнату келесі асқынуларға әкелуі мүмкін:

• Импланттың қозғалғыштығы немесе сынуы
• Периимплантит — жасанды түбір айналасындағы қабыну

Сүйек пластикасы сүйек тінінің өсуін ынталандырады және оның көлемін ұлғайтады, бұл имплант үшін сенімді тірек болады. Сүйек көлемі жеткілікті болғанда ғана имплантат ұзақ әрі сенімді қызмет етеді.

Остеопластиканың ең танымал түрлерінің бірі — синус-лифтинг (жоғарғы жақтың бүйір бөлімдерінде сүйек тінін өсіру). Бұл әдістеме сүйек көлемін ұлғайту үшін гаймор қойнауларының (синустардың) қуыстарын пайдалануға мүмкіндік береді.

Doctor Dent-те КЛКТ-ны талдау үшін 3D Dental қолданылады, ол 3D-суреттер бойынша сүйек тіні мен синустардың жағдайын анықтайды, дәрігерге дәл диагноз қоюға және қауіпсіз емді жоспарлауға көмектеседі.

Остеопластика қажеттілігі туралы шешімді диагностикадан кейін дәрігер қабылдайды. Процедура міндетті болатын жағдайларға мысалдар:

• Тіс жұлынғаннан кейін имплантация мен протездеудің ұзақ уақыт жасалмауы (әдетте 10–12 айдан кейін)
• Тісті жарақаттап жұлу (біз тек атравматикалық әдістерді қолданамыз)
• Аурулар салдарынан сүйек тініның атрофиясы (периодонтит, пародонтит)
• Туа біткен аномалиялар (мысалы, екінші күрек тістердің немесе премолярлардың болмауы)
• Жақ жарақаттарының салдары

Кейбір жағдайларда, мысалы, тісті жұла салысымен имплант орнатқанда, сүйек пластикасы қажет болмауы мүмкін.

• Төменгі жақ, бүйір бөлімдер — дұрыс тістеу (прикус) үшін сүйек көлемін ұлғайту
• Фронтальді (алдыңғы) аймақ — сүйекті ұлғайтумен қатар күлімсіреу эстетикасы қамтамасыз етіледі
• Жоғарғы жақ, бүйір бөлімдер (синус-лифтинг) — гаймор қойнаулары арқылы жабық және ашық қол жеткізу әдістері

Бүгінгі таңда остеопластика — бұл күнделікті жасалатын амбулаторлық, ауырсынусыз және қауіпсіз процедура. Мүмкін болатын әдістер:

Сүйек блогын ауыстырып салу
Сүйектің биіктігі мен ені жетіспеген жағдайда қолданылады. Сүйек материалы емделушінің өзінен алынып (мысалы, иек аймағынан), қажетті жерге ауыстырылады. Меншікті сүйекті пайдалану сәтті бітіп кету мүмкіндігін арттырады. Имплантация 6–12 айдан кейін мүмкін болады.

Сүйекті жару
Сүйек биіктігі жеткілікті, бірақ оның қалыңдығы аз болса қолданылады. Сүйек қыры бойымен жарылады, пайда болған бос орынға имплантат бекітіліп, сүйек материалымен нығайтылады.

Процедурадан кейін мыналар байқалуы мүмкін:

• Жеңіл қанау
• Болар-болмас ауырсыну сезімі
• Жұмсақ тіндердің ісінуі

Doctor Dent емделушілер үшін егжей-тегжейлі ұсыныстар дайындады: үйде не нәрсеге назар аудару керек, отадан кейін не қалыпты жағдай болып саналады және қашан дәрігерге көріну қажет.

Сүйек пластикасынан кейінгі дұрыс күтім — тіс имплантының сәтті бітіп кетуінің және ұзақ қызмет етуінің кепілі.