Тіс сауыты бөлігінің бұзылуы немесе тістің толық болмауы – көптеген адамдарда кездесетін тіс қатарының кең таралған ақаулары. Мұндай жағдайда Астанада тіс протездеу қажеттілігі туындайды, өйткені тіс қатарындағы жетіспейтін элементтер күлкі эстетикасын бұзып, тіс-жақ жүйесінің функционалдығын төмендетеді.
Астанадағы Doctor Dent клиникасында тіс протездеу заманауи анестезиялық препараттарды қолдану арқылы жүзеге асырылады. Олар стоматологиялық манипуляциялар кезінде ауырсыну сезімі мен жайсыздықты барынша азайтуға мүмкіндік береді.
Протездеу кезіндегі анестезия түрлері
Астанадағы Doctor Dent клиникасында ауырсынусыз тіс протездеу жергілікті анестезия препараттарын қолданумен жүргізіледі. Көбінесе жансыздандыру инъекциялық әдіспен (анестетикті ине арқылы қажетті аймаққа енгізу) жасалады. Инъекция кезінде пациент жайсыздық сезінбеуі үшін ине салар алдында сол орынға аппликациялық анестезия жағылуы мүмкін.
Дентофобия (стоматологтан қорқу) қатты білінгенде немесе көлемді стоматологиялық араласу қажет болғанда аралас анестезия қолданылады. Бұл жансыздандыру нұсқасы жергілікті әсер ететін анестетиктер мен седативті (тыныштандыратын) препараттарды қолдануды көздейді.
Седациямен тіс протездеу пациент өздігінен тыныс алатын және дәрігердің қарапайым өтініштерін орындай алатын жеңіл медициналық ұйқыға батуды білдіреді. Босаңсыған күй пациенттің мазасыздығын жояды, бұл барлық стоматологиялық манипуляцияларды жоспарлы режимде жүргізуге мүмкіндік береді.
Doctor Dent желісінің жетекші сарапшысы — Ешмуханбетов Женис Айтжанович, стоматолог-ортопед дәрігер, біздің мамандардың «алтын құрамына» кіреді. Ол эстетикалық протездеу саласындағы керемет жұмыстарымен және тамаша винирлерімен танымал.
Дентальді импланттар орнатылғаннан кейінгі ортопедиялық емдеумен айналысады. Тотальді протездеу және эстетикалық протездеу саласының маманы. Тіс эстетикасын өзгерту бойынша ең күрделі сұраныстарды іске асыра алады. Мұқият әрі қамқор, ең талғампаз пациенттердің өзіне оңай тіл таба біледі. Тәжірибелік еңбек өтілі 20 жылдан асады, өз мансабында 16 000-нан астам қаптама (коронка) мен винир орнатқан. Мыңдаған пациентке армандаған күлкісіне қол жеткізуге көмектесіп, оны шындыққа айналдырды.
